Mogdishu,(insidesomalia.org): Waaxda Socdaalka Dowladda Federaalka Soomaaliya ayaa maanta waxay shaaca ka qaaday in Xujaayda dooneysa in ay sanadkan soo Xajiyaan ay ku safri karaan oo kaliya Baasaboorka cusub ee ay soo sameysay DKMG Somalia.

Madaxa Waaxda Socdaalka Dowladda Federaalka Soomaaliya C/llaahi Gaafow Maxamuud ayaa ugu baaqay Dadka doonaya inay soo xajiyaan sanadka in ay si deg deg u qaataan Baasaboorka cusub.

Isagoo sheegay in ciddii uu ka dhaco waqtiga qaadashada Baasaboorka cusub loo sameyn doono dhaafiye KMG ah oo Xajka kaliya loo isticmaali karo (Travel Document for Haj).

Mr Gaafow waxaa uu intaas ku daray in ay la xiriireen Dowladda Sacuudiga iyo Dowlado kale oo dhowr ah, kuwaasi oo ay kala hadleen arrimaha Baasaboorka cusub ee Soomaaliya, wuxuuna meesha ka saaray in Baasaboorkii hore la sii isticmaali karo.

"Waqtigii loo qabtay isticmaalka Baasaboorkii hore ee Soomaaliya waa uu dhamaaday, mana jirto sabab kalifeysa in dib loo soo celiyo isticmaalkiisa"ayuu yiri Mr Gaafow.

Hadalka ka soo baxay Waaxda Socdaalka DKMG Soomaaliya ee khuseynaya Xujaayda sanadkan ayaa wuxuu ku soo beegmayaa iyadoo Gulaha wasiirada ay shalay go'aamiyiin in Xajka lagu aadi karo Baasaboorkii hore, iyadoo shirka go'aankaas lagu gaarayna uu shir guddoominayay Sii hayaha Xilka Ra'iisal wasaarinimo Prof. Saalim Caliyow Ibrow.

Comments (0)

Subscribe to this comment's feed

Write comment

Name

Email

Title

Comment

smaller | bigger

Subscribe via email (Registered users only)

I have read and agree to the Terms of Usage.

Add Comment